រថយន្តប៉ះម៉ូតូបណ្តាលឲ្យកូនក្មេងអាយុ១ឆ្នាំស្លាប់នៅកន្លែង ឪពុកម្តាយរងរបួសស្រាល
29-November-2017 | ដោយ ពលមនសិការ
កំពង់ស្ពឺ ៖ គ្រោះថ្នាក់ចរាចរណ៍មួយបានកើតឡើងបណ្តាលឲ្យស្លាប់ក្មេងម្នាក់និងរបួសស្រាល ២នាក់។ ហេតុការណ៍គ្រោះថ្នាក់ខាងលើកើតឡើងនៅថ្ងៃទី២៩ ខែវិច្ឆិកា ឆ្នាំ២០១៧ វេលាម៉ោង៩និង៥០នាទី លើផ្លូវជាតិលេខ៤ ចន្លោះគីឡូម៉ែត្រលេខ៥១-៥២ នៅចំណុចភូមិកាប់ទូក សង្កាត់កណ្តោលដុំ ក្រុងច្បារមន ខេត្តកំពង់ស្ពឺ។
លោកឧត្តមសេនីយ៍ត្រី តាប់ លន ស្នងការរងខេត្តបានឲ្យដឹងថាមុនពេលកើតហេតុមានម៉ូតូមួយគ្រឿងម៉ាក ហុងដា សេ១២៥ ពណ៌ខ្មៅ ពាក់ស្លាកលេខ ភ្នំពេញ1DO-4623 បើកបរដោយឈ្មោះ ស៊ីម សំណាង ភេទប្រុស អាយុ ៣៨ឆ្នាំ ឌុបប្រពន្ធឈ្មោះ រង ស្រីល័ក្ខ អាយុ២៥ឆ្នាំ និងកូនឈ្មោះ សំណាង វាសនា ភេទប្រុស អាយុ០១ឆ្នាំ អ្នកទាំងបីរស់នៅភូមិសែនជ័យ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺបើកបរពីទិសខាងកើតទៅទិសខាងលិច ពេលមកដល់ចំណុចដូចខាងលើបានឆាកផ្លូវបន្ទាន់នោះមានរថយន្តមួយគ្រឿង ម៉ាកsterling ពណ៌ស ពាក់ស្លាកលេខ ភ្នំពេញ3D-0347 សណ្ដោងរ៉ឺម៉កពាក់ស្លាកលេខ ភ្នំពេញ4A-1025 អ្នកបើកបរមិនស្គាល់ឈ្មោះនិងទីលំនៅ បានប៉ះបណ្ដាលអោយដួលហើយក្មេងតូចបានខ្ទាតមកលើផ្លូវបណ្ដាលអោយរថយន្ដកិនស្លាប់ភ្លាមៗនៅកន្លែងកើតហេតុ។
សម្ភារខូចខាតរួមមាន៖ ស្លាប់ក្មេងប្រុសម្នាក់អាយុ១ឆ្នាំ នៅកន្លែងកើតហេតុ, របួសស្រាលមនុស្ស០២នាក់ ស្រី០១នាក់
, ខូចម៉ូតូមួយគ្រឿងស្រាល។
រថយន្តមិនមានការខូចខាតទេក្រោយកើតហេតុបានបើកគេចត្រូវសមត្ថកិច្ចឃាត់បាននៅអធិការដ្ឋាននគរបាលស្រុកភ្នំស្រួច។
ចំពោះវត្ថុតាងម៉ូតូយកមករក្សាទុកនៅការិយាល័យនគរបាលចរាចរណ៍ខេត្ត ចំណែករថយន្ដរក្សាទុកនៅអធិការដ្ឋាននគរបាលស្រុកភ្នំស្រួច ៕
ចំនួនអ្នកទស្សនា
- ថ្ងៃនេះ5301
- ម្សិលមិញ10851
- សប្តាហ៍នេះ71821
- ខែនេះ186971
- ឆ្នាំនេះ186971
- សរុប20629427